بسم الله..
ده الكلام اللي فكراه من درس لمعز مسعود في برنامج الطريق الصح
ونشوف مع بعض
واتكلم عن حديث رسول الله صلي الله عليه وسلم
وما رأيت من ناقصاتِ عقلٍ ودين أغلبَ لذي لبٍّ مِنْكُن
وان الناس كلها بتفهمه غلط...ويارب افتكر كل الكلام اللي قاله::
**اول حاجه معني الحديث ان المراه بتعرف تسيطر وتتحكم في الرجل ....وانه قالها انتي ناقصه عقل ودين ده مش ذم فيها ولا تناقض مع الحديث ومعز ادي مثال صغير::
(لو فيه طفل صغير في اولي ابتدائي مثلا وممشي المدرسه كلها وجيب قلتله ياعيل انت اللي ماسك المدرسه؟؟ ده طبعا مش ذم فيه بالعكس ده مدح)
**تاني حاجه موضوع ناقصات دين...ده لان المراه بطبيعتها رقراقه وقلبها ارق بكتير من الرجل ده من حكم الفطره علشان كده هي اقرب لاكتمال الدين داخلها اكبر...وكمان لكل شيء اصلان اصل داخلي واصل خارجي....
مثلا المراه في فتره الحيض بتنقطع عن الصلاه وبتقدر ع كده لان الاكتمال عندها باطني اكبرمنه ظاهري!! سبحان الله والحمد لله ع كل حال....
**تالت حاجه ناقصات عقل..ده لانها بتحكم العاطفه الاول وده بيكون صح في معظم الاحيان وخصوصا في موضوع التربيه وضرب معز مثال::
(لو طفل قاعد كل شويه يلعب في فيشه او الكهرباء وبيكهرب نفسه:
1)الاب هيزعقله ويقوله مش انا قولتلك متعملش كده؟؟؟هو اه خايف عليه لكن هو كده هيعمله عقده..
2)الام هتاخد ابنها في حضنها وتخفف عنه الالم وبعد كده هي او والده ممكن يفهموه ان ده غلط وانه ميعملش كده تاني..
واضح الفرق؟؟؟؟؟)
**رابع نقطه وهي ان رسول الله صلي الله عليه وسلم في اول مانزل عليه الوحي الي من لجا؟؟الي رجل صاحبه؟؟لا بل لجا الي زوجته السيده خديجه رضي الله عنها وطلب منها المشوره عندما دلته ع ورقه بن نوفل ,,,,,,,,,,,ودي كانت البدايه
وعندما مات مات ع كتف السيده عائشه رضي الله عنها,,,,,ودي كانت نهايه عهده بالدنيا صلي الله عليه وسلم..
**خامس نقطه انه صلي الله عليه وسلم كان رحميا ببناته وكان كل ما تقبل عليه فاطمه ابنته رضي الله عنها كان ينهض ليقبلها ومامنعه اخر مره الا مرضه صلي الله عليه وسلم....
من هنا لازم كلنا نعرف ان النساء شقائق الرجال وان المراه بتكمل الرجل,,,,
وخدوا بقي قصه من عندي
عندما خلقت حواء وصحي سيدنا ادم عليه السلام ولقاها سالها: من انتي؟؟
قالت له انا حواء؟
قال لها ولماذا خلقت
قالت له لتسكن الي
ياسبحان الله
السبت أكتوبر 04, 2008 10:34 pm
