سلسله علي فين ياشباب

بسم الله والصلاه والسلام علي اشرف المرسلين

ثم أما بعد..

علي فين ياشباب؟؟

احنا راييحين فين؟؟

ايه هدفنا في حياتنا؟؟

عاوزين نوصل لايه؟؟

هنفضل لغايه امتي بنقوم ونقع؟؟

ليه مش حاطيين الجنه في قلوبنا؟؟

ليه مش خايفين من عذاب النار؟؟

مطمنين ليه ياشباب؟؟

ان شاء الله في الموضوع هنزل حلقات الدكتور حازم شومان

وهحاول باذن الله افرغها

ودوركم الاستماع والمناقشه وتنفيذ الوصايا ولما الماده تخلص ننشرها كلنا علي المنتديات التانيه

يالا علي فين ياشباب؟؟

بسم الله نبدأ

لينك الدرس..

http://www.way2allah.com/modules.php?name=Khotab&op=Detailes&khid=7307

بدأ الدرس بزلزال تسونامي..وصف المنظر كان كل الشباب علي البلاج صبيان وبنات كلهم مبسوطين باليوم وكان فيه واحد بيصور من علي اعلي عماره اللي بيحصل وهو مبسوط..وفجاه جت اول موجه عاليه والكل تلقاها بفرحه...ثو توالت الموجات حتي بقت طول الموجه اطول من العماره وبعد وقت بسيط بقي كل اللي في تسونامي جثه هامده..

كان اي واحد فيها من اي بلد تساله رايح فين؟؟يقول رايح أعيش حياتي؟ ماهو ميعرفش انه رايح لنهايته سبحان الله..

**لازم نختار الطريق اللي نمشي فيه..

ينفع نختار الطريق اللي اخره نار؟ ينفع نختار بين وجه الله والنظر اليه؟ ومقامع الحديد في النار؟؟

**الشباب بقي تايه بين كل حاجه بين الاغاني والبنات والنوادي والشوارع والقهاوي..كل واحد بيقعد قاعده في مكان حرام او بيرتكب معصيه ازاي تقدر تستحمل نظره غضب الله ليك كل الفتره دي؟؟

**كل واحد فينا عايش في الغيبوبه...اول خمس سنين في حياتنا مشغولين بايه؟؟مشغولين ببرامج الكرتون..
تاني خمس سنين بدات طموحنا تكبر واهتمامتنا تتغير وبعد كده الخمس سنين التانيه 15 سنه تبدا فتره اللبس بقي ومركات الهدوم..بعد كده غيبوبه الثانويه العامه الاب يقول لابنه بعد لما يرجع من الدروس لازم تزاكر لكن ولا يساله علي الصلاه ولا ع الطاعه ولا علي غيره..بعد كده التخرج ومفيش شغل والاكتئاب وسبحان الله ركعتين في بيت الله يخلصوا كل ده..

بعد كده الجواز والعيال تكبر وهنشغلهم ازاي؟ وهنجوز البت منين؟والبت اللي لسه متجوزتش دي؟؟

وتستمر الغيبوبه..

لكن اول لما يجيي الماتش كل حاجه بتنتهي اول لما يجيي الجون وكانه بشر بالجنه سبحااااااااان الله!!!!!!

**ازاي ياشباب أمه محمد احنا في الغيبوبه دي؟؟ولغايه امتي هنستمر عليها؟؟

**تعالوا نسمع ونشوف نماذج الصحابه اللي ضحوا بكل حاجه..

اسمعوا الدرس ياجماعه علشان ننقذ نفسنا من النار...متاع الدنيا هي متاع الغرور..

**لو واحد عاقل مقبل علي الزنا وقلناله في الاوضه التانيه فيها نار ولازم تعدي عليها؟؟ياتري هيبقبل؟؟
لا طبعا مش هيقبل انه يدخل النار؟

طيب ليه ؟؟ليه الناس متجرأه كده علي معصيه الله؟

**لازم ناخد بالنا ان الزنا مش الفاحشه المقصوده بيه وكفا لا لازم ناخد بالنا من حديث رسول الله صلي الله عليه وسلم..ان العين تزني وزينتها البصر واليد تزني وزينتها اللمس والقلب يهوي ويتمني فهو يزني..

**ونكمل الدرس بقصه جميله أوي عن أم كلثوم بنت عقبه بنت ابي معيط..هي فتاه ضحت بكل حاجه علشان الله..ابوها اللي كان بيتفنن في ايذاء الرسول عليه الصلاه والسلام وحاول يقتله عده مرات...

**بنت عقبه بنت ابي معيط أسلمت ودخل في قلبها نور الاسلام والايمان..وتمر السنين والصحابه يهاجروا من مكه الي المدينه واصبحت لواحدها في بلد الكفر وابوها قتل في غزوه بدر ..وبدا العرسان يتقدموا لها وهي رافضه ويسالوها رافضه ليه؟متجوبش عليهم وهتجاوب تقول ايه؟اسلمت ..كتمت اسلامها..(ودي رساله لكل بنت عاوزه تتجوز وخلاص ومش حاطه في دماغها خلق واسلام الشخص اللي متقدملها ده)

**وتيجي الضربه المفاجاه وهي صلح الحديبيه لما النبي صلي الله عليه وسلم يتفق مع اهل مكه ان اي حد يجي من المشركين مسلم الي الرسول عليه الصلاه والسلام يرده رسول الله..صدمت ام كلثوم وقررت انها لازم تهاجر
وتترك امها واخواتها عماره والوليد وتسيب كل حاجه وتهاجر لواحدها من مكه الي المدينه وفعلا قررت ده وبدات رحله الهجره الي ان وصلت الي المدينه..

**اول لما توصل للمدينه تحصل الصدمه لاهل المدينه كلهم..ياتري هيردوها؟لو ردوها هتتقل؟؟والرسول عليه الصلاه والسلام والصحابه مش عارفين يعملوا ايه هيردوها؟؟

وكلهم في الانتظار

الي ان نزل القرار من فوق سبع سموات من الله عزوجل ونزل جبريل عليه السلام من سبع سموات بسوره الممتحنه التي نزلت في أم كلثوم....قوله تعالي : (فلا ترجعوهن الي الكفار)..السوره بتقول لو حتي حصلت حرب بين المسلمين والكفار مات منها الف كافر استحاله يرجعوا ام كلثوم

سبحان الله ياجماعه علشان نعرف ان المتجه الي الله لا يرده عائق..سبحانك ربي..

**وزوجها رسول الله صلي الله عليه وسلم من عبد الرحمن بن عوف
من أحسن الصحابه دينه ومن اثري الصحابه..وصدق رسول الله صلي الله عليه وسلم : (من ترك شيئا لله عوضه الله خيرا منه)..

**عاوزين نكسر كل الشهوات اللي اتعرضنا ليها..عاوزين نتوب ياشباب..

التوصيات..

**عاوزين نبقي من طرتز..وجعلني مباركا أينما كنت..

ونغير كل حاجه حوالينا ...نغير صحابنا ..الكليه...السكشن..

**لازم نبدأ نفوق بعض باي وسيله بمكالمات .,,برسايل بريديه..بمسجات موبايل..

يالا ياشباب مستنيين اليه؟؟

لابد بقي من الانطلاق الي الله..

اللهم اعتق رقااااااااابنا من النار يارب العالمين

اللهم ارزقنا الاخلاص في القول والعمل ياااااااااارب..

» الغناء ولا إله الا الله ياشباب
» سلسله دار الاخرة لشيخ عمر عبد الكافي