يوميات صايم ما صامش حاجة

السلام عليكم ورحمة الله وبركاته

دى عبارة عن مجموعة قصائد ترفيهيه عن يوميات صايم ما صامش حاجة
القصائد دى بتظهر المساوئ اللى بتحصل فى نهار رمضان وممكن تخرج الانسان المسلم عن معنى الصيام

والمجموعه دى منقوله

المشهد الأول من شخصية رقم واحد
كابتن صايم

كابتن صايم راجل رياضى
كان لعيب كورة فى الماضى000ودلوقت ياعينى قاعد فاضى
كابتن صــايم قـــام من الـنـــوم000علشـان يتسحـر ويصــــوم
وقــــــال يـــــارب اتقبـــل منا0000والخيــــــر علينـــــا يــدوم
والصبح نزل ع القهوة00قاعد هناك بالساعات
هو وصحابه بيحكوا00ع الدورى وع البطولات
ولحد العصر قاعد 000بيتكلم عن المنتخب
وهزايم على أرضنا000وحاجات ليها العجب
ولما ييجى العصر000جرى على السرير
ظبط المنبه ع المدفع000مظبوط من غير تأخير
ماهو عاوز يعجل بالفطر00صايم بجد مش أى كلام
عمل اللى عليه وزيادة00وأدى فريضة الصيام
ودعى يارب احيينا نصوم بكرة000زى النهاردة تمام

انتظروا الشخصية التانية

[/center]

اضحك الله سنك اخى

فعلا ونعم الصيام

قال عز وجل: إِلا الصَّوْمَ فَإِنَّهُ لِي وَأَنَا أَجْزِي بِهِ

اللهم اعنا على عبادتك افضل عباده فى رمضان كما لو اننا لم نعبدك من قبل

بارك الله فيك اخى وجوزيت الجنه

الفصل الثانى

بعد الفطار لازم تمارين000فوق وتحت واحد اتنين
بعديها يشغل التلفزيون000يشوف الاهلى بيلاعب مين
بيتفرج ع الماتش ضرورى00ومش مهم يصلى القيام
داحنا كده تمام التمام000وكفاية علينا ثواب الصيام
خلص الماتش خلاص 000يلزمه بقى شوية راحة
آخ نسيت أصل صاحبنا000عنده ماتش نهائى فى الساحة
لبس الفوتبول جرى بسرعة00أصله يبقى الهداف
أول مانزل ضرب زميله000والحكم شجاع مش بيخاف
اداله كارت احمر على طول00وصحابنا قال مش معقول
ازاى تطردنى يا ابن ال(00)0000وشتايم بقى للفجرية
باظ الماتش علشان صاحبنا000مكانش عنده روح رياضية

الشخصية التانية

أستاذ صايم

أستاذ صايم مربى فضيل
مدرس كفء ملوش مثيل000وقنوع بيرضى بالقليل
م الفجر قايم للسحور
و ع المدرسة جرى وبسرعة000علشان يلحق الطابور
وقعد نايم طول الحصة000واهم حاجة يمضى حضور
وان حد من الطلاب ضايقه000أو كلمه يغضب ويثور
قال ايه الصيام ياعينى000بيخليه دايما متضايق
وخلص اليوم الدراسى00واستاذنا كان مش رايق
كان نفسه ينام كمان ساعتين00علشان فى الدرس يبقى فايق
ولما كان الدرس000كان عنده طالب غلبان
مدفعش فلوس الشهر000وابوه ياعبنى عيان
استاذنا غضب واتنرفز00وطرده من الدرس كمان
وقاله حرام عليك00انت مش انسان
ازاى متدنيش حقى00واحنا فى رمضان

ماشاء الله

صائمون حقا

اضحك الله سنك

اسلوب موضوعاتك به تهكم يناقش قضية الصيام عند الناس

بوركتم

الشخصية الثالثة

آنسة صايمة

آنسة صايمة بنت ملتزمة
متعملش حوارات ملهاش لزمة00وان حد عاكسها تضربه بالجزمة
مرضيتش تروح الكلية000علشان مش عايزة تقابل حد
اصلها خايفة على صيامها000وصحابها هناك غلسين بجد
غلبت تقولهم احنا فى رمضان00وانها لبست طرحة كمان
آه ماهى صايمة من الفجرية000ولحد المغرب ياجماعة
آنسة صايمة دى شخصية 0000محترمة جداً وشجاعة
صاحبها ميمى كلمها 00000على الموبايل فى العصرية
قالها ليه مجتيش من بدرى000دى الشلة قاعدة ومستنية
قالتله شوف يابنى,انا صايمة000وعن صيامى انا مش مستغنية
وانت كمان المفروض صايم0000اقعد بقى فى البيت ياحبيبى
واياك تكلمنى على المحمول000علشان هشيله خلاص من جيبى
واهجيبلك م الآخر ياعنيا0000علشان لا تفكر ولاتحتار
ريح نفسك انا مش جايه0000ياحبيبى غير بعد الفطار

الشخصية الرابعة
الحاج صايم

الحاج صايم راجل بقّال
راجل أمين مش محتال000وتجارته ماشية عال العال
قفل المحل طول اليوم000وقال والله مانا شغال
واحد سأله ليه ياحج000توقف حالنا ورزق العيال
قاله يابنى انا راجل صايم000وعيب لما اكدب فى رمضان
علشان كده ريحت دماغى00وقمت قافل الدكّان
رد الراجل قاله ياحاج0000وانت هتكدب ليه ع الناس
رد الحج بكل شــجــاعة000وأمانة وصدق واخلاص
بينى وبينك انا عندى بضاعة000مدة صلاحيتها خلاص
وكمان كمية محدودة0000وشايلها للسوق السودا
قلت فى رمضان مش هبيعها000يمكن تغلى كمان ع العيد
وبكده ابقى حفظت صيامى0000ورزق ولادى كمان هيزيد

الشخصية الخامسة
الست صايمة

الست صايمة ست فضيلة
محترمة جدا وفضيلة00وكمان تبقى كبيرة العيلة
اخدت قرار شجاع جدا00انها هتشيل التليفزيون
ولما لقت نفسها زهقانة000راحت مسكت التليفون
قالت تسلم على اخواتها00واهو بالمرة تسلى صيامها
مسكت لستة التليفونات000لقيت 100 نمرة قدامها
وبعد العصر سابت التليفون00راحت طالعة على جارتها
لقيت كل جيرانها هناك000كل واحدة مخنوقة من بيتها
قالوا نحكى مشاكل الناس000يمكن تهون علينا مشاكلنا
شفتى فلانة ضربت ابنها00واحنا مش عارفين نربى عيالنا
وفلانة جوزها ياعينى طلقها000علشان حرقتلوا التلاجة
وفلانة خطيبها سابها0000والست صايمة ماقالتش حاجة
لحد ما المدفع ضرب0000دعت بدعاء الافطار
قالولها انتى ليه ساكتة000يااختى من اول النهار
قالت وأضيع صيامى؟00000علشان اتكلم معاكم
ادينى عرفت اللى انا عايزاه00ودلوقت بقى يسعد مساكم

الشخصية السادسة
الاسطى صايم

الاسطى صايم سواق ماهر
حريف فى سواقته وشاطر000يروح مشوار وكأنه مسافر
سايق دايما مستعجل000وان حد قاله على مهلك
يتنرفز جدا اوى ويزعق000ويقوله انت مال أهلك
عصبى جدا بالذات لو صايم00زيه زيى بقيت الناس
بس هو عصبى زيادة000أصله راجل حساس
واحد خبط العربية بتاعته000وكان قاعد كده ولا هامه
صاحبنا اتنرفز اوى واتعصب000وخبط الراجل سيح دمه
قال يستاهل كان هيضيع صيامى000حد يشيله من قدامى
انا مش طايق اشوف وشه000واحد قاله اهدى يابيه
وتعالى وصلنى لحد العتبة00قاله هاخد عشرة جنيه
الراجل استغرب اوى 000كان هيغمى ياعينى عليه
قال حرام عليك ياسطى000عاوزنى ادفع كل ده ليه
رد صاحبنا وقاله يادوبك00انت متعرفش البنزين غالى
مش معقول تبقى صايم00وتقول مايغلى وانا مالى
ده رزق ناس يابنى0000عاوز تاخد رزق عيالى

عدد الرسائل : 3 العمر : 35 تاريخ التسجيل : 30/06/2008

بجد الموضوع جميل وطريقه العرض هايله
جزاك الله خيرا

بسم الله ماشاء الله

محافظين على صيامهم فعلا.بيتعبوا ياعينى .ربنا يكون فى عونهم
موضوع هايل وطريقة لذيذة لعرض أخطاء معظمنا بيقع فيها خصوصا فى شهر رمضان الكريم

جزاك الله خيرا كثيرا
اللهــــــــــــــــــــم بلغـــــــــــــــــــــــنا رمضـــــــــــــــــــــــــان

جزاكم الله خيرا على مروركم الكريم

الشخصية السابعة
الواد صايم

الواد صايم حبيب جده
صايم بقى ومحدش قده000ومافيش قبله ولا فيه بعده
هو حبيب اصحابه واهله000ولما يشوف محتاج بيساعده
فكر وقال انا لازم اساعد000اصحابى اللى بيحبونى
بس ازاى اساعدهم000دول ياما زمان ساعدونى
جاتله فكرة لذيذة فعلا000قال هساعد اصحابى الصايمين
راح استخبى فى الحمام000واستنى كده يجى ساعتين
لحد ماصاحبه حمادة0000نسى وراح علشان يشرب
لقى بمب وصواريخ 00ومدافع عمالة بتضرب
توتو خاف اوى ووقع00ع الارض وصايم نازل ضحك
قاله تعيش وتاخد غيرها000وراح يشترى تانى م الكشك
حمادة قاله حرام عليك00بطل شقاوة فى رمضان
قاله دانا بساعدك ياحبيبى00المفروض تشكرنى كمان
امال اسلى صيامى بايه0000هو البمب ده احلى العابى
راح افرقعه فى اخواتى0000وجيرانى وكل صحابى

الشخصية الثامنة
عم صايم

عم صايم راجل غلبان
على قد حاله واقل كمان0000طول الليل قاعد سهران
على باب الجامع مستنى الفجر00فرصة واحنا فى رمضان
أى حد يشوفه يقوله 0000أنا طالب منك احسان
حسنة قليلة هتمنع عنك000بلاوى وترتاح على طول
وانا عاوز اعلم عيالى0000وأدفع فاتورة المحمول
واحجز لابنى فى مدرسة خاصة000وكمان عاوز اعمل مشروع
راح يضمن مستقبل اسرة0000وهيحميها كمان م الجوع
والصدقة فى رمضان مستحبة00ادينى من اللى عندك حبة
مرة يقعد على كرسى ويشكى000انه ياعينى مابيمشيش
ومرة يعمل نفسه كفيف0000علشان عاوز ياكل عيش
وكمان مع شدة حاله0000عاوز ياخد ثواب الصيام
واحد قاله ماتفطر يابنى000قاله افطر لا حراااااااااام

بوركت اخى

والله كتير منها بنشوفه فعلا

واكترها حكايه البمب والصواريخ دى

جزاك ربى كل الخير ورزقك الفردوس الاعلى

جزاكى الله خيرا على مرورك الطيب

الشخصية التاسعة
موظف صايم

صايم أفندى موظف همام
راجل صح مش أى كلام0000رايح شغله فى معاده تمام
يمكن يقعد ساعة يصلى0000ايمان وتقوى من غير مقاطعة
وساعات يقعد يسلى صيامه000ويحل الكلمات المتقاطعة
أو يمكن صاحبه يجيله00000ويقعد وياه طول اليوم
وان جاله مواطن فى شغل00مش معقول هيسيبه ويقوم
ممكن ده يفوت بكرة0000أو بعده او مايجيش تانى
انما بقى لو جاله مفتش00او مسئول يخلصه فى ثوانى
ويرجع تعبان اوى من شغله000من حقه يريح ساعتين
ومنبهه مظبوط تماااام0000قبل المغرب بدقيقتين
يصحى ويفطر كده على طول000ويدعى صيامه يكون مقبول
وكمان يدعى يارب ابعد عنى0000شر كل مسئـــــول

هاااااااااااااااااااااااااام جداااااااااااااااا

الشخصية العاشرة والأخيرة

صايم ( من غير لقب)

صايم بقى آخر شخصية
وده متوصى عليه شوية0000أصله قريب جدا ليا
اسمه صايم كده على طول00صايم كده من غير القاب
واحد رايق جدا جدا0000وبيحبكم اوى ياشباب
بس عنده مشكلة بسيطة00أنه بيقعد ع النت كتير
عامل مسرحيات واخبار000وكان عاوز يعمل فوازير
لكن النت ده كل حياته0000وخصوصا فى رمضان
واهو سايب امتحاناته000والمذاكرة كمان
واهو من اول رمضان00قاعد ع النت ولسة ماقامش
تفتكروا معايا صام000صاحبنا ولا ماصامش

دعوة الحق كتب:: هاااااااااااااااااااااااااام جداااااااااااااااا

الشخصية العاشرة والأخيرة

صايم ( من غير لقب)

صايم بقى آخر شخصية
وده متوصى عليه شوية0000أصله قريب جدا ليا
اسمه صايم كده على طول00صايم كده من غير القاب
واحد رايق جدا جدا0000وبيحبكم اوى ياشباب
بس عنده مشكلة بسيطة00أنه بيقعد ع النت كتير
عامل مسرحيات واخبار000وكان عاوز يعمل فوازير
لكن النت ده كل حياته0000وخصوصا فى رمضان
واهو سايب امتحاناته000والمذاكرة كمان
واهو من اول رمضان00قاعد ع النت ولسة ماقامش
تفتكروا معايا صام000صاحبنا ولا ماصامش

شخصية تعتبر اقرب الشخصيات الينا من ناحية معينه

لكن فعلا لو فكرنا فيها ممكن نقع فيها طبعا مش هقول ندخل نت نكتب مسرحيات ولا كده
ولكن النت برضه بالنسبه لكتير منا تسليه للصيام

ويمكن احنا بنعمل ده من غير ما بنكون حاسين

لكن باذن الله لابد ان ننوى ان يكون النت بالنسبه لنا فى رمضان ليس الا مجال للنفع فقط وليس مجال لكسب الذنوب او تضيع الوقت

وادعو الله ان نستغل كل دقيقه لنا بل كل ثانيه فى رمضان بما يضيف الى ميزان حسناتنا وبما يقربنا الى مولانا وبما يجعلنا من عتقاء رمضان

اعاده الله علينا وعليكم بالخير واليمن والبركات

جوزيت خيرا اخى وبارك ربى فيك

» حاجة غرييييييييييبة !!!!!!!!!!