الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 دورة الخرائط الذهنية (البرمجة العصبية)

اذهب الى الأسفل 
كاتب الموضوعرسالة
Admin
Admin
Admin
avatar

عدد الرسائل : 605
تاريخ التسجيل : 20/11/2007

مُساهمةموضوع: دورة الخرائط الذهنية (البرمجة العصبية)   الأربعاء فبراير 27, 2008 6:35 am











مين فينا عدا بالثانوية العامة ؟؟

ومعاناة الثانوية العامة ؟؟

وامتحانات الثانوية العامة ؟؟










حد يعرف مين ده ؟؟



ده واحد مشهور جدا وبدون ذكر اسماء . . اسمه توني بوزان


الراجل ده زينا عدى بالثانوية العامة ودخل امتحانات الثانوية العامة
بس حصلت معاه حاجة غريبة جدا !!



إجابات توني بوزان في امتحان المرحلة النهائية للثانوية كانت ملفته
لنظر الأساتذة المصححين لورقات الإجابة نظام متقن‏‏ وترتيب منهجي‏
‏ ودقة متناهية في المعلومات ومدعمة بذكر اسماء المراجع وتواريخها
وأرقام الصفحات‏‏ بل والتعليقات المختلفة حول القضية التي يتناولها السؤال‏
شئ غريب !!

ده خلى الأساتذة في حالة اعجاب شديد‏ وفي نفس الوقت في حالة شك وريبة‏
ظاهرة متميزة‏ وغريبة !! ‏
هل هذه الإجابة من الذاكرة ولا اللجنة كانت في حالة من الرخاء سمحت لتوني
انه ينقل من الكتاب؟
وعلي ماسبق تم استدعاء توني أمام لجنة من الأساتذة لتوضيح الأمر؟

وكانت إجابة توني أن اجاباته من الذاكرة‏ وشرح توني بوزان للأساتذة أسلوبه
في المذاكرة اللي بيعتمد علي الخرائط الذهنية Mind Maps‏ وان جوهر الأسلوب ده
هو التركيز وان الأسلوب ده ببساطة هو ربط المعلومات عن الموضوع المراد فهمه
‏‏ في سلسلة منطقية من الجمل‏‏ والكلمات والرموز والأشكال الخطية‏
وكأننا أمام خريطة‏ بصرية



توني بوزان

هو الانجليزي الذي وصفته جريدة نيويوركر بأنه " الاسم الأكبر في الذاكرة "
مؤسس ومبتكر الخرائط الذهنية هذا الأسلوب الجديد في تدوين الملاحظات
الذي يعتمد على أسلوب إغريقي قديم في ربط المعلومات بروابط ذهنية متصلة
وله كتب كثيرة في هذا المجال ساعدت الكثير على الاقبال على الخرائط الذهنية

وحتى الآن على مستوى العالم
يوجد 250 مليون شخص يستخدمون الخرائط الذهنية





تمرين :


لو عندك برتقالة

....


...


..

























ايه اللي حصل ؟!

لما قولتلك لك كلمة " برتقالة
هل تبادر الى ذهنك حروف هذه الكملة " بـ ـر تـ ـقـ ا لـ ـة "

ولا تبادر الى ذهنك البرتقالة نفسها وشكلها ؟!
وتخيلتها في عقلك .. وكانك استحضرها ورسمتها في خيالك وجهزتها تنتظر
بقية كلامي لتعرف ماذا ساقول لك عنها ؟


لماذا ؟
لأن العقل البشري لا يفكر بالحروف كما نكتبها، وإنما يفكر في
الصور المحسوسة و الألــوان
وعلى هذا الأساس اعتمد توني بوزان لتطوير هذه الطريقة الجديدة
التي تستخدم نفس أسلوب التفكير لدى العقل البشري



ولكن كيف يعمل العقل ؟
وكيف يخزن المعلومات ؟



انتظرونا بمشيئة الله .. المرة القادمة
مع الجزء الأول




عدل سابقا من قبل Admin في الأربعاء فبراير 27, 2008 4:48 pm عدل 2 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebadalrahman.ahlamontada.com
Admin
Admin
Admin
avatar

عدد الرسائل : 605
تاريخ التسجيل : 20/11/2007

مُساهمةموضوع: رد: دورة الخرائط الذهنية (البرمجة العصبية)   الأربعاء فبراير 27, 2008 6:43 am







فاكرين توني بوزان !!

فاكرين البرتقالة !!

لو مش فاكر افتكر بسرعة من هنا وتعالى


جميل .. خلينا ناخد تمرين جميل جدااا

بس قبل التمرين .. عايزك تركز وتسيب اي حاجة تانية بتعملها

وتعمل اللي هاقولك عليه بالظبط عشان تستفيد من التمرين


جاهز !!


تمرين :


المطلوب منك ببساطة تقرا الكلمات اللي بتظهر

بس بصوت عالي انت تسمعه

( تقف بعد ما تكون قولت ابيض مرتين)










....






...






..

















ما شاء الله .. كويس .. قولتهم صح



دلوقتي مطلوب منك تقول اللون اللي هايظهر

برده بصوت عالي انت تسمعه

( تقف بعد ما تكون قولت ابيض مرتين)












....







...






..
















ما شاء الله .. كويس .. برده قولتهم صح
وان كنت فكرت شوية .. مش زي الاول





ركز بقى كويس جدا في اللي جاي ..

دلوقتي هاتقول لون الكلمة ( مش تقرا الكلمة )

نقول تاني .. هاتقول لون الكلمة .. مش الكلمة

برده بصوت عالي انت تسمعه

( تقف بعد ما تكون قولت ابيض مرتين)

(هاتحاول مرة واحدة بس)




يللا





مستعد



...




..




جاهز ..





..




..





ابدأ











...




..




..










خلاص .. خلاص ..

اتلخبط واللي كان كان



اتلخبطت ليه بقى !! .. ما كنا ماشين كويس !!




اقولك اتلخبط ليه


لان المخ مكون من فصين ايمن وايسر

الايمن مسئول عن الالوان والخيال والجمال والصور
عشان كده في تمرين الالوان بس الفص الايمن اشتغل لوحده وما كنش فيه مشكلة

الايسر مسئول عن الارقام والحساب والمنطق والتفكير
عشان كده في تمرين القراءة بس الفص الايسر اشتغل لوحده وما كنش فيه مشكلة


بينما في تالت تمرين الفصين اشتغلوا مع بعض .. القراءة والالوان
وده اللي احنا مش متعودين عليه
عشان كده حصلت اللخبطة وبقيت تقف وتفكر قبل ما تقول اللون
وتمسك لسانك .. ومش لاحق
لانك عمال تتنقل بين الفصين







طيب .. انهي احسن نشغل اليمين ولا الشمال ؟!

الاحسن نشغل الاتنين وهو ده اللي احنا عايزينه
عايز تفكر احسن .. عايز تنمي عقلك
استخدم الفصين


والخرائط الذهنية هاتساعدنا في كده


طب يحصل ايه لو شغلت فص واحد بس .. !!

تخيل لو بتقطع برتقالة بسكينة
وبتقطعها بايد واحدة مش بايدك الاتنين
لو استخدمت ايد واحد - حتى لو عرفت تقطعها - مش هايبقى بنفس الكفاءة
ومش بنفس السرعة وهاتبذل مجهود اكبر
لانك عطلت ايد من الاتنين

تخيل لو بتجري ومكتف ايدك
ممكن تعرف تجري بس مش بنفس
الكفاءة ومش بنفس السرعة وهاتبذل مجهود اكبر
لانك عطلت جزء من اجزاء جسمك


كذلك المخ
لو عطلت جزء منه مش هايشتغل بنفس الكفاءة وهاتبذل مجهود اكبر
لكن لو شغلت الفصين هايكون الناتج اكبر من مجموع شغل الفصين

عشان كده في اي منهج دراسي لازم يكون في مواد علمية ومواد نظرية

عشان كده في الامتحان مش كفاية انك تحل صح لازم كمان يكون خطك كويس

لازم يحصل توازن بين الفصين




طب ازاي اشغل الفصين ؟!
ازاي اوازن بينهم ؟!




انتظرونا بمشيئة الله .. المرة القادمة
مع الجزء الثاني



في انتظار آرائكم واستفساراتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebadalrahman.ahlamontada.com
Admin
Admin
Admin
avatar

عدد الرسائل : 605
تاريخ التسجيل : 20/11/2007

مُساهمةموضوع: رد: دورة الخرائط الذهنية (البرمجة العصبية)   الأربعاء فبراير 27, 2008 10:11 am







فاكرين تمرين الالوان ؟

فاكرين المخ وشكله ؟


لو مش فاكر افتكر من هنا بسرعة وتعالى



النهاردة ان شاء الله هانعرف

ازاي نشغل الفصين ؟

مين يستخدم الخرائط الذهنية ؟

نستخدم الخرائط الذهنية في ايه ؟

ايه فوائد الخرائط الذهنية ؟




كلنا عارفين من الجزء الأول ان المخ عبارة عن فصين يمين وشمال
واحد مسئول عن الالوان والخيال
والتاني مسئول عن الأرقام والحسابات


يا ترى مين فيهم مسئول عن الالوان ومين مسئول عن الأرقام ؟!

افتكر كده ..

......


لازم تفتكر ..

.....


هاتفتكربس ركزشوية ..



.....



اسيبك شوية تفتكر ..




....




...




..





.



هااا ..



افتكرت ..


تمام .. فعلا


اليمين بتاع الالوان
والشمال بتاع الحسابات


غريبة .. اجابتك صح
مع انك ما كنش قصدك تحفظ اليمين بتاع ايه والشمال بتاع ايه
ومن غير ما ترجع للجزء الاول

افتكرت المعلومة وافتكرتها صح !!

مع انها معلومة بسيطة بس

نفس عقلك هو هو .. وقدارتك هي هي


ايه اللي اتغير ؟!


اللي اتغير اننا دخلنا المعلومة للمخ صح .. زي ما هو عايز وعلى الشكل المناسب لي .. ويقدر يفتكره

إما انك افتكرت على طول أول ما سألتك
من غير ما تفتكر الرسمة

أو ما كنتش قادر تفتكر .. فقعدت تفكر شوية
فجت في دماغك الرسمة بتاعة المخ اللي كانت في الجزء الاول

وتخيلت القلم الالوان وانه كان موجود على اليمين فوق
وتخيلت الالة الحاسبة وانها كانت على الشمال تحت

فعرفت الاجابة الصح .. !!

مع أن نفس المعلومة كانت موجودة قبل الصورة
لكن كانت مكتوبة
ما افتكرتش الكلام المكتوب وافتكرت القلم والآلة
كان الاسهل والاقرب لمخك الصورة



ليه حصل كده ؟؟


لاننا استخدمنا الخريطة الذهنية من غير ما نشعر .. !!

فعلا .. استخدمنا الخريطة الذهنية !!

ودي كانت اول وابسط خريطة ذهنية .. خريطة ذهنية للمخ ..

فهمت وحفظت المعلومة واتحفرت في دماغك
بالرغم انك ما كانش في دماغك انك تحفظها
مجرد نظرة واحدة !!

كده انت بدأت تشغل الفصين

والخرائط الذهنية هي اللي بتساعدنا اننا نشغل الفصين




قال الله تعالى : " وَفِي أَنْفُسِكُمْ أَفَلا تُبْصِرُونَ " ( الذاريات 21 )

عارفين ايه ده ..؟





ده شكل خلية التخزين في المخ .. سبحان الله

على شكل خريطة متفرعة .. لها مركز وافرع
وكلما بعدنا عن المركز قل السمك واصبحت الافرع ارفع وادق
نفس شكل الخريطة الذهنية

لذلك افضل طريقة لتخزين المعلومات هي الخريطة الذهنية
لازم تكون المعلومة اللي داخلة المخ مناسبة للمكان اللي هاتتخزن فيه عشان تتخزن صح


تخيل لما بندخل المعلومات في شكل سطور
ايه اللي بيحصل ..؟!
بيقع منها كتير من الخلية

بينما لما بندخلها في صورة خريطة بصور والوان وكلمات
بتكون سهلة على المخ

وعشان كده سميت الخرائط الذهنية بهذا الاسم ( الذهنية )
لانها مناسبة للعقل وللذهن .. الاسهل دائما الصور والاشكال



A PICTURE worth thousand of WORDS
الـصـــــــــورة تساوي الآف الــكلمـــــــــات


عشان كده افتكرنا القلم الالوان والالة الحاسبة
وما افتكرناش الكلام المكتوب


عشان كده لما بناخد عنوان من حد
مش بس بناخد العنوان في ورقة
لازم كمان ناخد الوصفة

عشان كده لما بنمسك كتاب
قبل ما نقراه .. بنتفرج على الصور


العقل بيفكر كده



اذن من الآن



ّّّّّّ**************************************
لنستخدم الخرائط الذهنية
**************************************



مين يستخدم الخرائط الذهنية ؟

أي شخص يقدر يستخدم الخرائط الذهنية
بصرف النظر عن سنه .. وظيفته .. مكانته
طفل
طالب
خريج
مدرس
مدير
رئيس عمل
ربة منزل
....

الكل بيستخدم الخرائط الذهنية

الطفل في المدرسة



المدرس في الفصل




الدكتور في المحاضرة




نقدرنستعمل الخريطة الذهنية في اي عملية يقوم بها العقل
اي تبادل للمعلومات مع العقل نستطيع تنظيمها بخريطة ذهنية



نستخدم الخرائط الذهنية في ايه ؟

1- في الدراسة
2- لتحسين الذاكرة
3- في الخطابة
4- في المشروعات
5- التخطيط والادارة
6- كتابة المقالات او البحوث
7- لاتخاذ القرارات
8- لتلخيص الكتب
9- حل المشكلات
10- تذكر المعلومات
12- المهام اليومية
13- الاشرطة والدروس
14- عروض التقديم
وغيرها كتيـــــــر ..



ايه هي فوائد الخرائط الذهنية ؟

1 - التفكير الابداعي
تعطي حرية لعقلك في التفكير
( فاكرين البرتقالة اللي بنقطعها بايد واحدة ..)

2- الادارك
تدرك المعلومات والبيانات بشكل افضل

3-الصورة الكاملة
تشوف صورة كاملة للموضوع بكل تفاصيله
( فاكرين صورة المخ والفصين .. )

4- القراءة والمراجعة
تسهل جدا قراءة الكتب ومراجعتها بسهولة
( هانعرف ازاي نقرا الكتب صح .. )

5- النهايات المفتوحة
تضيف المعلومات بحرية وفي اي مكان بدون قيود
( هانشوف ازاي ان شاء الله .. )

6- العلاقات
ربط المعلومات ببعضها وتدرجها وتسلسلها



طيب


ازاي نعمل الخريطة الذهنية ؟
وازاي نسـتـخدمـهــا ؟



انتظرونا بمشيئة الله .. المرة القادمة
مع
الجزء الثالث

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebadalrahman.ahlamontada.com
Admin
Admin
Admin
avatar

عدد الرسائل : 605
تاريخ التسجيل : 20/11/2007

مُساهمةموضوع: رد: دورة الخرائط الذهنية (البرمجة العصبية)   الأربعاء فبراير 27, 2008 4:46 pm







فاكرين الفصين ؟!

فاكرين خلية التخزين ؟!


لو مش فاكر افتكر من هنا بسرعة وتعالى


النهاردة ان شاء الله مع اهم جزء


التطبيق العملي



هانتعلم ازاي نعمل خريطة ذهنية







الدرس النهاردة ان شاء الله عملى
هانعمل مع بعض خطوة خطوة خريطة ذهنية بسيطة

ونفس اللي هانطبقه ان شاء نقدر كلنا نطبقه على اي موضوع
عايزين نعمله خريطة ذهنية

قبل ما نبدأ في الخريطة بتاعتنا تعالوا نشوف شكل الخريطة الذهنية البسيطة





خلينا نبدأ في الخريطة بتاعة النهاردة



موضوع الخريطة

جدول محاسبة للعبادة



انت دلوقتي قاعد بتذاكر


او قاعد في محاضرة


اوعندك اجتماع


او عندك مشروع


او موضوع عايز تكتبه


او عرض تقديمي


او ...او ...


وعايز تعمل خريطة ذهنية تسهل عليك الموضوع
زي دلوقتي بالظبط عايزين نعمل خريطة لجدول المحاسبة






يللا ابدأ ونفذ معايا





بس قبل ما نبدأ


لو مش ناوي تنفذ ما تقراش عشان مش هاتستفيد
ما تعديش نقطة الا لما تنفذها






هات ورقة بيضاء ( يفضل غير مسطرة)
واقلام جاف الوان (3 الوان كفاية)
وكوباية شاي ( اختيارية)





*********************************


حدد في دماغك بالظبط الموضوع اللي هاتعمله الخريطة
اللي هو دلوقتي ( جدول محاسبة للعبادة




*********************************


حط الورقة بالعرض واكتب في نص الورقة
العبادة
وعمل حولها اطار بلون اخر


*********************************

ابدأ فكر في العناصر اللي ممكن تكون تتفرع من العبادة
زي الصلاة .. الصيام ..الصدقة
واكتبهم بنفس الطريقة وخارجين من العبادة
ركز وتخيل وفكر بصورة شاملة بدون تفاصيل
وكل ما بعدت من المركز قلل سمك الخط


*********************************


بعد ما تخلص كل العناصر المتفرعة من العبادة
بنفس الطريقة امسك عنصر عنصر واكتب كل التفرعات اللي تبعه
مثل الصلاة : الفرائض .. النوافل .. وهكذا
ويتفرع من الفرائض : الصبح .. الظهر .. العصر .. وهكذا


*********************************


اكمل بقية الخريطة بنفس الشكل بصورة متفرعة
وضع كل العناصر اللي في دماغك



*********************************


بعد الانتهاء من الخريطة فكر وخذ وقتك
ولو افتكرت اي نقطة ادرجها بسهولة في مكانها المناسب



يعني مثلا لو افتكرت صلاة الضحى .. تضيفها في فرع النوافل
الخارج من فرع الصلاة .. الخارج من العبادة



*********************************


ابدع


تخيل


فكر


*********************************







ملاحظات مهمة جدا




استخدم الالوان قدر المستطاع



استخدم الاسهم وراعي تدرج سمك الفروع



استخدم الرموز والصور متى استطعت






استخدم كلمات قليلة مركزة معبرة







*******************************************



كل واحد ان شاء الله سيقوم بعمل هذه الخريطة
ويوسعها ويكبرها على قد ما يقدر
حاول تخرجها في شكل حلو ومنسق






"بعد الانتهاء منها

اكتب لنا عناصر الخريطة اللي انت عملتها بالتفصيل بشكل مكتوب



يعني تكتب


العبادة : الصلاة .. الصيام .. الصدقة
الصلاة : الفرائض .. النوافل ..



عشان نشوف مين هايعمل اكبر وافضل خريطة






ده شكل مبدئي للخريطة عشان يساعدكم






هانستفيد كتير من الخرائط اللي هاتعملوها



والعناصر اللي هاتكتبوها ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebadalrahman.ahlamontada.com
as_foula2006



عدد الرسائل : 9
العمر : 29
تاريخ التسجيل : 28/02/2008

مُساهمةموضوع: رد: دورة الخرائط الذهنية (البرمجة العصبية)   الجمعة فبراير 29, 2008 5:39 pm

بسم الله ما شاء الله
فعلا موضوع أكثر من رائع
منتظرين باقي الدروس
وانتظروا الخريطة مني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عزى ايمانى

avatar

عدد الرسائل : 43
العمر : 30
تاريخ التسجيل : 01/12/2007

مُساهمةموضوع: رد: دورة الخرائط الذهنية (البرمجة العصبية)   الأحد يوليو 13, 2008 1:15 am

جهد راااااااااااااااائع
بارك الله فيكم
وجزاكم الجنة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محبة القراّن
مشرف
مشرف
avatar

عدد الرسائل : 673
العمر : 97
تاريخ التسجيل : 05/12/2007

مُساهمةموضوع: رد: دورة الخرائط الذهنية (البرمجة العصبية)   الأحد يوليو 13, 2008 8:53 pm


ما شاء الله بجد اكثر من رائع
لو فيه تكمله يا ريت بسرعه علشان نستفيد منها
وهى لسه طازة كده فى دماغنا
جزاكم الله خيرا كثيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.shbab1.com/2minutes.htm
quran myway



عدد الرسائل : 20
العمر : 28
تاريخ التسجيل : 08/07/2008

مُساهمةموضوع: رد: دورة الخرائط الذهنية (البرمجة العصبية)   الخميس يوليو 17, 2008 7:26 am

جزاكم الله كل خير على هذه الكنوز الثمينة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
معي ربي سيهدين
عضو متميز
عضو متميز
avatar

عدد الرسائل : 33
العمر : 31
تاريخ التسجيل : 30/11/2007

مُساهمةموضوع: رد: دورة الخرائط الذهنية (البرمجة العصبية)   الإثنين يوليو 21, 2008 12:08 am

ماشاء الله بجد

مجهود خرافي واستنوا بردوا الخريطه مني والله المستعاان

جزاكم الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دورة الخرائط الذهنية (البرمجة العصبية)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات العامة :: التنمية البشرية-
انتقل الى: